2015.8.10 富山城 (富山県)

今期富山嘅行程完晒喇，趁未夠鐘搭車，決定行去富山城睇睇。

行咗一陣，經過呢條松川。

原來可以搭船遊覽，好似九州柳川咁。

到咗城址公園，仲可以參觀博物館&美術館。

不過朝早八點幾，全部都未開，淨係可以喺公園逛逛。

今次睇唔到就留返下次，因為立山黑部仲未去呀！

2015.8.9 五箇山相倉集落 & 菅沼合掌造り集落 (富山県)

大清早搭專巴去五箇山。

第一站係相倉集落，落車後行十分鐘就到。

風和日麗，好一片蒼翠田園。

先行上山影個全景。

然後周圍逛，睇吓啲特色建築。

呢間食店啲豆腐好特別，可以用繩扎起都唔爛。

夾啱巴士時間，又要去下一站嘅菅沼合掌造り集落。

青山綠水，令人心曠神怡。

行咗一陣就到喇。

其實啲屋間間都差唔多，同高山嘅合掌村一樣。

呢道嘅店舖數目無高山合掌村咁多。

走之前喺「お食事処与八」食咗個定食。

我哋買嘅係兩日票，但係行程太豐富，用唔到兩日，有啲嘥囉。

2015.8.8 高岡大佛 (富山県)

下午去市中心拜大佛。

高岡大佛係三大之一，好有歷史價值，係重要文化財。

高岡大佛範圍雖然好細，不過都有好多善信。

呢個鐘都係重要嘅文化財嚟架。

高岡大佛周邊都有好多景點。

敬拜完畢，返到高岡站，嗰道啲飲品機 & locker都有各個景點嘅圖畫。

高岡係藤子不二雄嘅出生地，所以周圍都見到佢啲作品嘅主角。

等車嘅時間去行吓地下街，有好多壁畫。

仲見到個無料嘅漫畫corner，雖然無人管理，但係大家都好守規矩咁睇書。

呢幾日都經新高岡駅轉車，今日先留意到有份寿司模型。

今晚嘅晚餐係炸豬扒定食，同個friend嗰份比一比，厚切真係厚好多喎。